Maurice Raveli "Boléro" baletaren melodia ospetsua 1928ko udako goiz batean bururatu zitzaion, pijaman zegoela eta bere jaioterri Ziburuko hondartzara igeri egitera joateko puntuan zela. Ia 100 urte geroago, munduan gehien interpretatutako piezetako bat izaten jarraitzen duen melodia da.
Kontzertuan oso ondo pasa genuen, joan aurretik gorputz perkusioa landu genuen, gure musikako irakaslearekin eta han "Boleroa" jo zutenean ikasitakoa egin genuen. Ondoren, hondartzara joan ginen, han jolastu, bazkaldu, zuloak egin,... Ederki pasa genuen!!!
0. Guretzat garrantzitsua den emakumearengan pentsatu eta idatzi.
Postit batean guretzat garrantzitsua den emakume bat aukeratu dugu, zergatik aukeratu dugun idatzi eta berataz, talde handian hitz egin dugu.
1. Ospakizunaren zergatia:
1908ko martxoaren 8an, New Yorkeko “Cotton” izeneko ehundegi bateko 129 emakume greban hasi ziren eta lantegia okupatu zuten, lan-baldintza hobeak eskatzeko. Ugazabek gogor erantzun zuten, poliziari deitu zioten emakumeak handik atera zitzaten. Emakumeak ez ziren irten, eta, orduan, suzko lehergailuak bota zizkieten barnera. Lantegia kiskali egin zuten, emakumeak barnean zirela.
1910eko martxoaren 8a Emakume Langileen Nazioarteko Eguna izendatu zen New Yorken hildako emakumeen oroimenez.
2. Aste honetan eskolan bi kanta hauek landu ditugu. Ea gustatzen zaizkizuen!!!
MariMore – Pirritx, Porrotx eta Marimototx
Nahi dudan modura ibiltzen naiz,
nahi dudan lekura iristen,
nahi dudan modura ibiltzen naiz,
nahi dudan lekura iristen.
Ni naiz argia,
ameslaria,
sorgin sorgina
nahi dudanean naiz atsegina.
Ni naiz morea,
emakumea,
herriko plazan
mundua jarriko dut nik dantzan.
Nahi dudan modura ibiltzen naiz,
nahi dudan lekura iristen,
nahi dudan modura ibiltzen naiz,
nahi dudan lekura iristen.
Ni naiz argia,
ameslaria,
sorgin sorgina
nahi dudanean naiz atsegina.
Ni naiz morea,
emakumea,
herriko plazan
mundua jarriko dut nik dantzan.
Sasi guztien azpitik
laino guztien gainetik,
sasi guztien azpitik
laino guztien gainetik.
Ni naiz argia,
ameslaria,
ni naiz morea,
emakumea.
Ni naiz argia,
ameslaria,
ni naiz morea
emakumea.
Printzesak eta printzeak. ESTI MARKEZ
Printzesa eder, printzipe guapo,
Mari errauskin edota zapo,
laranja erdirik ez ezazu bila,
zeu osoa zarelako.
Zeure begiez bizi eta ez
besteen begientzako,
-egin dorretxetik salto-,
aske bazara ez duzulako,
askatzailerik beharko.
Konplexuz gizen ta pisuz lumak
besteentzako panpin kuttunak,
izan gaitezen agintzen digu
sarritan gure garunak.
Izan gaitezke haundi zein txiki,
azkarrak edo tuntunak,
braketdunak, barredunak….
erakargarri egiten gaitu
gure berezitasunak.
Bizitzak dauzka hainbat zutabe
pozak, tristurak ta dudak daude.
Dena aldatzen da, ta soilik gara
geure buruaren jabe.
Ate bat itxi eta beste bat
zabaltzen da parez pare,
lotu ta askatu xuabe.
Edonor gabe bizi gintezke
eta edonor gu gabe.
Gaurrak puskatzen du iragana
eta egunak gaua darama
eta hasten den bezain naturala
bukatzen da harremana.
Ez ezazu pasa bizitza osoa
begiratuz besteengana,
bila ezazu zeugan barna
zeu zara zeure zorionean
eragin gehien daukana.
Jardin haundi bat duten etxeak,
asko balio duten kotxeak,
bikote beti irrifartsuak,
instagrameko poseak.
Askatasuna ematen digu
topikoak birrintzeak,
inperfektu sentitzeak
ipuinetan bakarrik daude
printzesak eta printzeak.
3. Dena da posible, nahi duguna izan gaitezke. Sakatu beheko irudian, bideoa ikusi ahal izateko.
4. Bost urtetik aurrera, neskek mutilek baino muga handiagoak aurkitzen dituzte adimenduntzat hartzeko orduan, eta, ondorioz, beren gaitasunetan konfiantza galtzen hasten dira. Kontzeptu horri Dream Gap izena ematen zaio, eta bideo honek argi eta garbi erakusten du urteetan zehar emakumeok jaso duguna.
Leipzig (Alemanian) 1813ko maiatzaren 22an jaio zen. Bederatzi anai-arrebak ziren eta bera, familiko gazteena zen. Bere aita ez zuen ezagutu, sei hilabete zituela hil zelako. Handik gutxira, bere ama beste gizon batekin ezkondu zen, antzerkiko aktorea zen eta harekin, bere entsaioetara eramaten zuen. Behin, antzerkian ere parte hartu zuen, aingerua izan zen. Wagnerri musika asko gustatzen zitzaion eta musika klaseetara joateko baimena eskatu zion bere gurasoei.
Bere lehenengo obra, 8-9 urteekin asmatu zuen. Ez zen oso ospetsua izan baina obra gehiago idazten jarraitu zuen. Urteen poderioz, Wagner opera konpositore edo musika egilea ospetsua bilakatu zen, Erromantizismoaren garaian.
Bere konposizioak aurrera eramateko dirua eskatu zuen baina ospe handia ez zutenez izan, zorrak gero eta handiagoak eduki zituen eta Parisera (Frantzia), alde egin behar izan zuen.
Hortik aurrera, bere obrak ospe handia eduki zuten. 10 opera idatzi zituen, gehienak "Germaniar mitologiarenak":
- Walkirien kabalkada
- Holandar hegalaria
- Nibelungoaren eraztuna
- Tristan eta Isolda
- Parsifal
Wagnerri esker, operak, arrakasta handiagoa izan zuen. Eta hainbat aldaketa egin zituen, adibidez, eserlekuetan eserita eta isilik ikusten egotea eta orkestra kokalekua, antzokietan, eserleku eta eszenatokiaren artean dagoen espazioan jartzea.
Venezian (Italia) hil zen, 1883ko otsailaren 13an, 69 urterekin bihotzekoak emanda.
Atzo, 10:30tan "Oinez Berastegin" parte hartu genuen. Herriko emakumeekin Inma, Kontxi, Malex, Nekane eta Juanirekin joan ginen eta Arbideko buelta eman genuen. Nahiz eta euri pixka bat egin, gustora ibili ginen beraiekin hitz egiten. Hurrengo arte!!
Urtarrilaren 9an, urte berriarekin batera, BLOK TAC lantzen hasi ginen. Aurten "SENA BATZEAN, ARAUA BIHOTZEAN", gaia egin dugu eta ederki pasa dugu. Hauek dira gure lanak:
1. Jarduera: Aurkezpena adostu eta azaldu. Oraingoan, eskolako arauak aztertu ditugu eta ariketa honetan, gidoi bat idaztea, eta egin behar dugun lanaren inguruko ahozko aurkezpen formala egitea beste mailetan izan da.
2. Jarduera: Galdeketa aurrera eraman. Talde bakoitza dagokion mailara joan da, egin dugun galdekizuna aurkeztera eta pasatzera.
3. Jarduera: Erantzunak interpretatu eta grafikoak eraiki.Galdekizunetan bildutako datuak grafikoetan (barra diagramatan) irudikatu eta hormairudi batean isladatu ditugu.
4. Jarduera: Grafikoak ondorioztatu. Grafikoetatik ondorioztatu eta testu idatzi batean bihurtu dugu.
5. Jarduera: Antzerkitxoak asmatu. Jasotako informazioan oinarriturik, egoera ezberdinak errepresentatuko dituen gidoiak idaztzi ditugu.
6. Jarduera: Antzerkitxoak errepresentatzen. Antzerkitxoak besteen aurrean egin ditugu.
7. Jarduera: Ebaluaziorako portfolioa prestatzen. Egunero egindako ekoizpenak txukun eta era ordenatuan antolatu, gorde eta karpeta apaindu, bide batez auto-ebaluaketa egin modu arduratsu batez egin dugu.
Lan hau ederki egin dugu eta asko ikasi dugu. Espero dugu gustatu izana!!!
Txanelako gai berria, "Maite ditut, maite, gure bazterrak" lantzen hasi gara. Oraingo honetan, Euskal Herriko mapa fisikoa eta politikoa, gure eskualdea, gure herria, gure herriko pertsonai ospetsuak, festak, bertako produktu tipikoak, klima, iparrorratza,... ikasiko ditugu.
1. GURE HERRIA
Berastegi, Tolosa-Leitza errepideko azken herri gipuzkoarra da, Donostia-tik 37 km-tara kokatuta dago. Mila biztanlerekin kontatzen du, bere hirigunearen eta Eldua auzoaren artean banatuta. Urto mendateko zelaigunean kokatuta dago. San Lorenzo, Ipuliño eta Gaztelumendi mendiez inguratuta.
Berastegi Gipuzkoako Tolosaldea eskualdeko udalerria da. Bertakoek eta ingurukoek Beasti deritzote herriari. Itsasoaren mailarekiko 390 metroko garaiera du. 45,83 km² ditu, Tolosaldeko udalerri zabalena da. Hamabi auzoz osatuta dago: Aintzerga, Izotzalde, Aiztunalde, Amerialde, Eguzkialde, Hirigune, Eldua, Ipuliño, Elduainalde, Elizalde, Leitzalde eta Urdinarrain.
2. GURE ESKUALDEA
Tolosaldea Gipuzkoako ekialdean dagoen eskualdea da. 332 km²-ko azalera du. Lurralde historikoan jende gutxien duen eskualdea da, baina, aldiz, udalerri gehien ditu, 28. Eskualdeko udalerri garrantzitsuena Tolosa da, hortik datorkio izena. Iraganean, Tolosaldeko udalerri guztiak Tolosaren zati izan ziren, pixkanaka banatzen joan ziren arte.
Hauek dira Tolosaldeko 28 udalerriak:
- Abaltzisketa- Aduna- Albiztur - Alegia
- Alkiza - Altzo - Amasa-Villabona
- Amezketa - Anoeta - Asteasu - Baliarrain
- Belauntza - Berastegi- Berrobi
- Bidania-Goiatz - Elduain - Gaztelu - Hernialde
- Ibarra - Ikaztegieta - Irura - Larraul
- Leaburu-Txarama - Lizartza - Orendain - Orexa
- Tolosa - Zizurkil
3. BERASTEGIKO KLIMA ETA PAISAIA
Abenduaren 13tik 19ra Berastegiko eguraldia eta tenperatura apuntatu dugu eta jasotako informazioarekin, barra diagrama egin dugu, oraingo honetan, ordenagailua erabiliz grafikoa sortu dugu, "create a graph" aplikazioarekin.
ASTEKO
EGUNAK (Abenduaren 13tik 19ra)
Tenperatura
ºC
ASTEARTEA
13
ASTEAZKENA
12
OSTEGUNA
8
OSTIRALA
8
LARUNBATA
7
IGANDEA
12
ASTELEHENA
11
Hona hemen gure barra diagrama:
Berastegiko klima ozeanikoa da, euri ugari eta tenperatura epela. Udak ez dira oso beroak ezta neguak oso hotzak ere.
4. BERTAKO PRODUKTU TIPIKOAK
Gure herriko produkturik ezagunena, gazta da. Mila biztanleko herria da eta 2.000 ardi baino gehiago daude eta horien esnearekin gazta egiten da.
Honetaz aparte, gure herriko babarrunak ospe handia daukate.
Eta nola ez ba, gure herriko barazkiak eta gaztainak oso osasuntsuak dira.
5. BERASTEGIKO PERTSONAI OSPETSUAK
-
Jose Antonio Muñagorri: Politikaria, militarra, negozio gizon eta udaletxeko idazkaria
-
Jesus Altuna: Antropologoa eta arkeologoa
- Jose Azpiroz: Idazlea eta bertsolaria
-
Jose Inazio Ugartemendia: Gaztagilea
-
Arantzazu Azpiroz: Txirrindulari profesional ohia
-
Jon Azpiroz: Ultren mendi-korrikalaria
-
Iñaki Urkizu: Futbolari profesional ohia
-
Matxin Labaien: Margolaria eta idazlea
-
Paulo Iztueta: Filologoa eta idazlea
-
Itsaso Urkizu: Pala jokalari ohia
-
Txomin Jakakortajarena: Euskal idazlea, itzultzailea, apaiza eta erlezaina
-
Mariano Arsuaga: Margolaria
-
Iñigo Gorostarzu: Bertsolaria
-
Maria Cueto: Eskultorea
-
Ione Gorostarzu: Irakaslea eta idazlea
6. GURE ESKUALDEKO HERRIETAKO EZIZENAK
- Abaltzisketa: Txalburuak
- Aduna: ?
- Albiztur: Kunplituak
- Alegia: Txintxarriak
- Alkiza: Oiloak
- Altzo: Tipulak
- Amezketa: Euliak
- Anoeta: Kukuak
- Asteasu: Tranpazuloak
- Baliarrain: Zartagiak
- Belauntza: ?
- Berastegi: Basurdeak eta haizeak
- Berrobi: Puzkartiak
- Bidania-Goiatz: Lapurrak
- Billabona: Paristarrak
- Elduain: ?
- Gaztelu: Jauntxoak
- Hernialde: Astoak
- Ibarra: Piperrak
- Ikaztegieta: Madril txiki
- Irura: Dragoiak
- Larraul: Tabako erretzaileak
- Leaburu: Txalburuak
- Lizartza: Ijitoak
- Orendain: Eltxoak
- Orexa: Oilarrak
- Tolosa: Zuriak, faltsuak eta sardin zaharrak
- Zizurkil:?
7. BERASTEGIKO ZERBITZUAK
Lehengo egunean, Berastegiko zerbitzuak aztertzera atera ginen eta konturatu ginen, hain herri txikia izateko zerbitzu asko dauzkala. Begira ze zerrenda luzea osatu dugun!!!
- Dendak: Denda Berri eta Bideaurre.
- Harategia: Uli
- Loredenda: Atelier Su
- Ileapindegia: Naiara
- Bankua: Kutxabank
- Tabernak eta jatetxeak: Kako eta Ategi
- Hezkuntza: J.A. Muñagorri eskola eta Haurreskola
- Osasuna: Osasun Etxea eta Farmazia
- Tailer mekanikoa: Berastegi Motoreak
- Egur lanak: Luis Eraso, Andres eta Jokin Txapartegi
- Ebanista: Jon Zubillaga
- Margolaria: Iñaki pintoreak
- Kultura: Liburutegia
- Garraioak: Autobusa eta taxia
- Gaztategiak: Gazpio, Koro, Ameri gazta
- Basolanak: Bimendi basolanak eta Jose Luis Saizar
