SENEGALEKOEI GUTUNA

Berastegiko biztanle batzuk, Senegalera joango dira eta beraien esker, hango eskolako neska-mutilekin harremanetan jarri gara. Beraiek hainbat argazki bidali dizkigute eta guk gutun bat idatzi diegu, gazteleraz egin behar izan dugu beraiek hobeto ulertzeko.

Gutunean, gure burua aurkeztu dugu eta Berastegi nolakoa den azaldu diegu. Argazki batzuk ere jarri dizkiegu.

Aitzaki honekin gauza pila bat ikasi ditugu:
- Senegal Afrikan kokatuta dagoela.
- Beraien hiriburua Dakar dela.
- Beraien hizkuntza ofizialak frantsesa eta wólof direla baina horietaz aparte, beste hizkuntza batzuk ere badakizkite.
- Hango gehienak, musulmanak dira eta gutxi batzuk kristauak. Baina hala ere, aintzinako jainko gehiago dituzte.
- Wolof hizkuntzan hainbat esaldi ikasi ditugu.

Eskolako sarreran kutxa bat jarri dute, erabiltzen ez ditugun betaurrekoak beraiei bidaltzeko.

Begira orain arte, zenbat betaurreko lortu ditugun!!!

ASTONAUTA TRONPETA FLAUTA

Aste honetako abestia "ASTONAUTA TRONPETA FLAUTA" da. Eta hemen duzue kantaren koreografia, ikasteko aukera izateko. Disfrutatu eta dantzatu!!!

PLAIAUNDIRA JOAN GARA!!!

Ostiralean, Plaiaundiko Parke Ekologikora joan ginen txoriak ikustera. Txingudin kokatuta dago (Irunen). Hasieran, prismatikoak hartu eta hegaztiak behatu genituen (kopetazuria, ubarroia, birigarroa, txantxangorria, martin arrantzalea, lertxuntxo txikia, basahatea, lertxuna, kaio hankahoria, antxeta mokogorria, zozoa eta txilinporta txikia). Eguraldiak asko lagundu zigun hegazti gehienak ikusteko. Primeran pasa genuen!!!

Hamaiketakoa jan ondoren, ikus-entzunezko aretoan, Plaiaundiri buruzko bideo bat ikusi genuen.

Gero, taldeetan jarri ginen eta tailer bat egin genuen, Plaiaundiko animaliei buruzkoa. Bukatzeko, eskolako batzuk, inkesta bat bete behar izan genuen.

Bisita bukatu zenean, motxilak hartu genituen eta ondoko parke batera bazkaltzera joan ginen. Tarte bat ere jolasteko izan genuen. Egun zoragarria pasa genuen!!!

GURE GELAKO LANDAREAK!!!

Begira zer landare polittak dauzkagun!!! Gelan, ardura batzuk bete behar ditugu eta horietako bat landareak zaintzea da, bikoteka egiten dugu. Lurra ikutzen dugu eta lehorra baldin badago, ura platertxoan botatzen diegu. Astean, behin edo bitan, ureztatzen ditugu. Ea nola pasatzen duten negua!! Hemen dituzue gure landareen argazkiak.

TRIKUA ESKOLAN!!!

 

Astearte goizean, gure eskolako patioan triku bat bizirik azaldu zen!!! Eta denak harrituta gelditu ginen!!! Eneeee!!! Eskolako ume guztiak ikustera joan ginen. Eta gaixoa, izututa zegoen eta ez zen ia mugitzen. Hemen, Berastegin, ohituta gaude trikuak ikustera baina eskolako patioan ez. Arratsaldean, eskolatik atera ginenean, hor jarraitzen zuen baina gero joan egin zen.

GIPUZKOAKO FORU ALDUNDIKO INKESTA

Gaur goizean 9:30etan, Olatz etorri zaigu inkesta bat egitera. Inkestan, Foru Aldundiak  "Gipuzkoako haurren naturarekiko harremana" ikertu nahi du. Horretarako, galdera batzuk erantzun behar izan ditugu. Inkesta anonimoa izan da, bakarrik gure adina eta sexua idatzi behar izan dugu. Hona hemen egin dizkiguten galdera batzuk:
- Ea basaloreak gustatzen zaizkigun.
- Ea landareak eta animaliak zaintzea gustatzen zaigun.
- Ea hondartzako harriak eta oskolak biltzen ditugun.
- Ea triste sentitzen garen, animaliak sufritzen ikusten ditugunean.
- Ea pertsonek zaborra lurrera botatzeko eskubidea daukagun.
- Triste gaudenean, ea kalera ateratzeko gogoa izaten dugun.
- Ea basanimaliak libre eta toki garbietan bizitzea gustatzen zaigun.
- Ea mendira joatea gustatzen zaigun.
- Ea naturako soinuak entzutea gustatzen zaigun.
- Ea zaborra dagokion tokira botatzea garrantzitsua den.
- Ea animaliak zaintzea garrantzitsua den.
- Ea animaliak eta landareak ikutzea gustatzen zaigun.
Hauetaz aparte, galdera gehiago egin dizkigute baina guk bakarrik batzuk idatzi ditugu. Olatzek esan digu, Gipuzkoako eskola gehienetan pasako dutela inkesta hau. Ondoren, erantzunak aztertuko dituzte eta emaitzak zabalduko dituzte.

ALDAKETAK GURE GELAN!!!

Mikeli eskatu genion gure gelan aldaketa batzuk egitea. Gaur goizean-goiz etorri da eta... Hori sorpresa!!! Gu eskolara sartu garenerako eskatu genion guztia egin digu!!! Eskerrik asko, Mikel!!!

Hona hemen bere lanak:

"AMETSETAN" abestiaren bertsioa

"Ametsetan" abestia gelan landu genuenean, erabaki genuen jolas baten bidez, gure bertsioa egitea. Eta zuekin partekatzea gustatuko litzaiguke. Ea gustatzen zaizuen!!!


Bazter txiki bateko sustraiak, erosotasunaren etsaiak
milaka kilometro amets berri baten bila.
Hartu zure lekua, berezion munduan,
iragana uzteko albo batera,
iñurrien antzera pauso txikiz aurrera, amestera...

Ametsetan, ametsetan, ja eskola hasi da

ametsetan, ametsetan, ohetik altxatzera

ametsetan, ametsetan, oporrekin amestera
ametsetan, ametsetan, lagunekin jolastera.

Bizitzeko garaia orain da,
arnasteko unea iritsi da.
Baldakizu zein den zure ametsik sakonena?
Hartu zure lekua, berezion munduan
iragana uzteko albo batera,
iñurrien antzera pauso txikiz aurrera, amestera...

Ametsetan, ametsetan, matematikako bidean

ametsetan ametsetan, Muñagorri onena da

ametsetan ametsetan, estutxeak eta dena

ametsetan, ametsetan, laugarren mailan poz-pozik!

Ametsetan ametsetan, zerua argia da.

Ametsetan, ametsetan, ametsetan...

Ametsetan, ametsetan, landare bat landatzera
ametsetan, ametsetan, ametsetan...

Ametsetan, ametsetan, baserrian nabil gustora.

Ametsetan, ametsetan, landatu genuen mundua.

Ametsetan ametsetan, zerua urdin argia da

ametsetan, ametsetan, mundu batetik bestera.

Ametsetan, ametsetan, ametsetako bidean

ametsetan, ametsetan, mundu berri baten bila.
Ametsetan, ametsetan, espaziotik Lurrera
ametsetan, ametsetan, ilargian etzatera.

Euskal Herria hobena ametsetan!

BURUZ BEHERA - HUNTZA

Aste hontako abestia "Buruz behera" izan da eta aste osoan zehar landu dugu. Asko gustatu zaigu eta zuekin partekatu nahi dugu. Hemen daukazue kantaren bideoa, karaoke moduan abesteko. Abestu, dantzatu, kantatu eta gozatu!!!

BURUZ BEHERA Batzutan azkar doa berez geldi dagoena, dena desberdina da nor bere arabera. Ba al dakizu ze forma duen munduak buruz behera? IKUSI NAHI BADEZU DESBERDIN, SENTITU NAHI BADEZU DESEGIN. TXORIAK BURUAN, HANKAK AIREAN, IGO NAHI BADEZU NERE GAINEAN. Itsasoa zeru da eta zerua itsaso, seia bederatzia izan daiteke akaso. Egi berrien bila biziko gera buruz behera. IKUSI NAHI BADEZU DESBERDIN, SENTITU NAHI BADEZU DESEGIN. TXORIAK BURUAN, HANKAK AIREAN, IGO NAHI BADEZU NERE GAINEAN. IKUSI NAHI BADEZU DESBERDIN, SENTITU NAHI BADEZU DESEGIN. TXORIAK BURUAN, HANKAK AIREAN, IGO NAHI BADEZU NERE GAINEAN. (x2)

2019-2020 ikasturteko 4. mailako ikasleak

Kaixo!!! Gu 4. mailako ikasleak gara. Eskolako lehenengo egunean argazki hau atera ziguten, hamaiketakoa jan ondoren. Ederra zegoen txokolatezko ogitartekoa!!! Ondoren, jolas ezberdinak antolatu zizkiguten eta ederki pasa genuen. Oso pozik gaude eskolan hasi garelako!!!